Poslovne vesti - Makedonija

Владата ќе издвои 4,5 милиони евра за инфраструктурни проекти во општините

Владата оваа година ќе издвои од буџетот 4,5 милиони евра за инфраструктурни проекти во општините, а посебен акцент ќе биде ставен на руралните средини.

Финансиската помош за општините за реализација на инфраструктурни проекти е двојно зголемена.

Општините треба да аплицираат во текот на мај за градба на патишта до пет километри, зелени и сточни пазари, пензионерски, младински клубови, изградба на пат од селото до регионалниот пат, изградба и реконструкција на улици, изградба и реконструкција на атмосферска и фекална канализација.

Покрај ова, средствата можат да се користат и за комплетно инфраструктурно уредување на излетнички места и инфраструктура на значајни културни локалитети.

„До мај сите заинтересирани општини ќе можат да аплицираат со проекти кои ќе ги доставуваат преку Агенцијата за рурален развој и поддршка на земјоделството. Сумата за еден проект не треба да биде поголема од 300 илјади евра“, рече Георгиев.